Desde hai tres anos estamos incorporando novos contidos á edición dixital de A Nosa Terra. Acadado o obxectivo primeiro, que era poñer a disposición pública toda a colección contemporánea do semanario, nas próximas semanas e meses iremos dixitalizando a colección de edicións especiais: A Nosa Cultura, A Nosa Historia e Cadernos de Pensamento e Cultura.

Comezamos por unha publicación que marcou un antes e un despois na fixación do concepto de memoria democrática. O especial “O 36 na Galiza” tivo un éxito do que nós fomos os primeiros sorprendidos. Dúas edicións esgotadas en poucas semanas, con máis de 10.000 exemplares vendidos, foron un fito incontestábel e probaba a fame cidadá por saber e completar un pasado fragmentado e cheo de experiencias políticas e sociais. Era marzo de 1986, pasaran 50 anos desde o golpe de estado, procurabamos poñer un novo ladrillo nunha tarea sen fin. Nos anos seguintes aprofundamos no percorrido do periodo ditatorial en dúas novas publicacións: A Nosa Historia 2 Os anos despois (1936-1953) e A Nosa Historia 5 Galiza: 1953-1975Velaquí os froitos daquela andaina.

En anos  sucesivos completous e a colección A Nosa Historia con novos títulos.

A Nosa Historia 3-4. Decenario. (Elaborado para conmemorar o 10 aniversario da saída). Decenario Parte 1 —- Decenario. Parte 2

A Nosa Historia 6. O nacimento dunha nación

A Nosa Historia 7. Os mártires do 36

DEIXAR UNHA RESPOSTA

Please enter your comment!
Please enter your name here